HUGARFLUG

2006-12-18T14:20:00.000Z

prófa

2006-12-08T23:32:00.000Z

Síðan hefur verið flutt á annan og vonandi betri server.

http://www.johannaferdir.blogspot.com/

VELKOMIN.

Hvað hugsa menn í erl. fréttum í íslenskum fjölmiðlum eða hugsa þeir yfirleitt

2006-12-06T00:50:00.000Z

Þessari síðu er ekki ætlað að fjalla um pólitík í Miðausturlöndum enda er það flókin tík.

En einatt hvarflar að mér hvort fréttamenn á íslenskum fjölmiðlum og skrifa um erlend málefni viti hreint ekki í hausinn á sér og tvísögnin og margsögnin og vitleysan er stundum svo mikil að það gengur fram af mér.

Í Morgunblaðinu í dag er til dæmis sagt frá því að hópur Michels Ayuns sem er forsvarsmaður örgahóps kristinna í Líbanon styðji mótmæli gegn stjórn Fuads Siniora forsætisráðherra og sé því sammála þeim varhugaverðu mönnum sem mér skilst að Hizbollah sé.

Þeir vilji koma Siniora frá vegna þess að þeir (og um fram allt Ayun sem var raunar í útlegð árum saman og kristnir menn í Líbanon voru ekki of lukkulegir þegar hann sneri heim úr útlegð því hann hafði ansi hreint grugguga samvisku)gruni Siniora um að vera hliðhollan Vesturlöndum og þá væntanlega Bandaríkjunum meðtöldum. Í næstu setningu er svo tekið fram að Líbanir þessir gruni stjórn Sýrlandinga um morðið á Pierre Gemayel, ráðherra sem er Maroniti og var skotinn nýlega.

Og því má spyrja: Hvernig kemur þetta heim og saman? Eru sýrlenska stjórnin ekki örugglega svakalega mikill óvinurr Vesturveldanna og þá ekki síst Breta og Bandaríkjamenna. Er stjórnin í Damaskus ekki óalandi og óferjandi að mati Vesturlanda af því hún tregðast við að hlýða Vesturveldunum( í flestum tilvikum samasem Bandaríkjamönnum)?Hvernig kemur þetta heim og saman. Ég fæ ekki almennilega séð það.

Og svo njóta Hizbollar (sem eru sjítar) stuðnings Sýrlendinga sem eru sunnítar að miklum meirihluta.......ætli fréttamenn reyni aldrei að lesa sér til hvað þá setja atburði og annað í samhengi svo það sé einhver glóra í því sem þeir matreiða ofan í okkur?

Sem betur fer vona ég að VIMA félagar og aðrir þeir sem hafa ferðast til þessara landa hugsi sig amk tvisvar um áður en þeir gleypa svona blaður og hreinustu vitleysu án þess að þessu sé dýft ofan í pottinn hvað þá meira.

Enn liggur bloggið í dvala - stórmyndarleg gjöf frá Hjallastefnunni

2006-11-29T11:54:00.000Z

Bloggið er í kuðli enn, ætla að athuga hvort þetta fer í gegn. Mér skilst að Google hafi keypt þetta og síðan hafi þjónustan snarlega versnað.

Aftur á móti verð ég að láta ykkur vita að Hjallastefnan hefur gefið 100 þúsund krónur í Jemenverkefnið okkar og mikið lof á Margrét Pála frumkvöðull hennar fyrir rausn og velvild.

Finnst ástæða til að þakka virktavel fyrir það.
Vona ég geti látið í mér heyra upp úr helginni á nýrri addressu(fyrir síðuna altso)

Enn verður dráttur á að nýtt heimilisfang fáist

2006-11-29T00:38:00.000Z

Bara til að segja ykkur það. Því miður virðist bloggið vera í klúðri.
Læt vita strax og lagast. Kákasuslönd eru þó komin inn þó þurfti að laga uppsetningu.

Er að breyta addressu á síðunni

2006-11-28T00:40:00.000Z

Segi ykkur nýja netfangið seinna í dag, þriðjudag. Gjörið svo vel og láta það ganga sem víðast. Hér ráða tæknilegir örðugleikar, ekki mistök.
Heyrumst og orðsending sem ég vonast til að koma inn síðdegis er verulega áríðandi.
Endurtek áríðandi

Kvaddur góður félagi

2006-11-24T12:52:00.000Z

Pétur Guðmundsson, elskulegur ferða- og VIMAfélagi er kvaddur í dag í Háteigskirkju en verður jarðsettur í Strandakirkju í Selvogi á morgun.

Pétur var ljúfur maður sem var gott að kynnast og vera með á ferðalögum. Forvitinn, fróður og glettinn. Drengskaparmaður. Þannig kom hann mér fyrir sjónir og þannig minnast þeir hans áreiðanlega sem kynntust honum meira en ég.

Mér þykir ákaflega vænt um að hann og Sveinn, ásamt með Guðmundi föður Péturs voru í fyrstu Íransferðinni í mars s.l. Þeir Sveinn höfðu ákveðið að koma í Sýrlandsferð fyrir tveimur árum en vegna veikinda varð hann að fresta því. Þá ferð fóru þeir svo með mér í apríl s.l. Ég held þeir hafi verið glaðir yfir því og nú við leiðarlok er ég það líka.

Ég er sannfærð um að ferðafélagar Péturs og Sveins og aðrir VIMAfélagar sem kynntust honum taka undir samúðarkveðjur til mannsins hans, foreldra og systkina. Og til allra þeirra mörgu sem þótti vænt um hann.

Ferð til Írans í gærkvöldi

2006-11-22T12:09:00.000Z

Tókst afskaplega vel myndakvöld Íransfara í september í gærkvöldi, fagnaðarfundir og höfðu menn á orði að þeir hefðu farið ferðina á ný með því að horfa á disk Margrétar og Brynjólfs og kubb verkfræðingsins Guðrúnar Ól. plús albúmsmyndir sem voru meira og minna til fyrirmyndar.
Við borðuðum gómsæta löngu og kaffi og súkkulaðiskeljar í eftirmat. Flestir ferðalangarnir mættu og allir skemmtu sér vel við að rifja upp ferðina til þessa magnaða lands sem margir hafa svo rangar og vitlausar hugmyndir um að engu tali tekur. En hóparnir tveir á árinu eru góðir sendiherrar og kynna efalaust Íran.

Líður senn að því að ég þurfi að senda út vegabréfsnúmer þeirra sem fara í næstu ferð, svo og verð ég að faxa út ljósrit af síðum í vegabréfum og mun ganga eftir þeim innan tíðar. Þarf svo að senda út umsóknir og myndir um miðjan janúar en við hittumst fyrir þann tíma til að ganga frá málunum.

Ég ítrekaði það á fundinum í gær sem ég hef minnst á fyrr að það verður bara EIN ferð til Kákasuslandanna á árinu 2007 svo menn ættu að drífa sig að láta mig vita ef þeir hafa áhuga. Gjöra svo vel og láta það ekki dragast úr hömlu.

Þau tíðindi að hafa gerst á heimilinu hér að ég er loksins búin að koma mér upp ADSL tengingu svo nú ætti að vera auðveldara að ná í mig símleiðis þó ég sitji við tölvuna.

Fundur í Borgarnesi góðmennur en færri en á hinum tveimur

2006-11-21T11:51:00.000Z

Góðan daginn
Eftir að hafa skrönglast um göturnar hér í Vesturbænum á Eyðimerkurljóninu, mínum litla fjallabíl, er ég ringlandi gáttuð yfir þjónustunni: það hefur gleymst að moka af götunum hér á þessu svæði. Eitthvað kraflað í þetta en eiginlega ekki nema hálffært fyrir okkur þessa fáu sem eru ekki á stórbrotnum jeppum. Klén þjónusta.

En hvað um það: Við Ragnheiður Gyða fórum í Borgarnes í gær og héldum kynningarfund. Þar var ívið færra en á hinum fundunum tveimur en góðmennt og fleiri nýir félagar bættust við og auk þess einn styrktarmaður Jemenstúlkna. Það var þakkarvert.
Okkur fannst þetta fyrirtaks fundur og mikið spurt og spjallað. Við fengum salinn í Landnámssetrinu ókeypis og þakka þeim húsráðendum Kjartani og Sigríði Margréti kærlega fyrir það.

Við látum nú staðar numið með ferðir út á land í bili en tökum upp þráðinn eftir áramót og allar leiðbeiningar þar að lútandi vel þegnar.

ÉG VIL ÍTREKA EITT ALVEG SÉRSTAKLEGA:
Þegar menn greiddu inn á ferðir um síðustu mánaðamót varð alls konar misskilningur. Ég bið menn að ganga úr skugga um það við greiðslu að ÞEIRRA EIGIN KENNITÖLUR birtist því annars fer allt í rugl og ég veit ekki hverjir borga. Vinsamlegast hafa þetta bak við bæði eyru við næstu greiðslu.
Muna að leggja greiðslur inn á réttan reikning 1151 15 550908. ALLS EKKI NEINN ANNAN. Þeir sem borga í öðrum bönkum en SPRON verða sérstaklega að hafa þetta hugfast.

Nokkur imeil koma alltaf til baka með villu. M.a imeil Eddu og Stefáns sem eru hjá mér með netfang á Raunvísindastofnun. Bið einnig Valborgu Sigurðard að senda mér nýtt imeil sitt á Spáni.

Hvet ritnefndarkonur til að hafa samband og segja okkur hvort þær eru komnar á skrið með næsta fréttabréf sem þarf að vera tilbúið um áramótin.

Býst ekki við ég þurfi að minna Íransfara í sept á myndakvöldið í kvöld. Geri það samt.

Ætla svo að óska aðaltæknistjóra þessarar síðu Elísabetu Ronaldsdóttur, vinkonu minni og ömmubarnsmóður, til hamingju en tvær myndir sem hún sá um klippingu á Mýrin og blóðbönd voru í sviðsljósi Edduverðlauna um helgina. Húrra fyrir henni.

Fundur Jemen/Jórdaníufélaga í dag, sunnudag. Ath.plássin til Íran

2006-11-19T16:39:00.000Z

Mikið var gaman að vakna í morgun og vera næstum snjóaður inni. Ófærð og huggulegheit. Eins og á að vera í eðlilegum nóvember.

Fundur með Jemen/Jórdaníuförum var haldinn í dag, að vísu komust ekki allir til fundarins en mun senda upplýsingar til þeirra sem ekki voru þar. Við drukkum mikið af te og kaffi, borðuðum sætabrauð frá Azerbadjan og þjóðlegar piparkökur og rúsínur.
Skrafað um áætlun og ferðina og fínasta stemning þótt þeir væri auðvitað saknað ákaft sem fóru á mis við fundinn.

Fékk í gær endanlega áætlun til Kákasuslandanna og set hana á sinn stað á næstu dögum. Henni hefur verið breytt, ég ákvað eftir ferðina mína í október að heppilegra væri að byrja í Azerbadjan, síðan Georgía og enda í Armeníu. Auk þess gerði ég nokkrar aðrar breytingar og hugsa að þær séu allar til hins betra.
Það eru pláss í þá ferð og skyldu menn íhuga það. Áritun þarf til allra þriggja landanna og hef samband um það og kannski smáfund í byrjun desember.

Sömuleiðis hef ég betrumbætt smávegis Íranáætlunina og mun einnig setja hana inn áður en langt um líður. Íranfarar fá svo tilkynningu um hvenær við hittumst til að fylla út áritunarumsóknir og þess háttar. Fjögur pláss eru laus í Íranferðina, einkum stafar það af því að fólk hefur ekki látið vita fyrr en seint og um síðir að það á ekki heimangengt. Afleitt það.

Annað kvöld hyggjumst við Ragnheiður Gyða fara með Miðausturlanda og ferðalagskynninguna okkar í Landnámssetrið í Borgarnesi. Svo fremi sem veður og færð leyfi. Bið ykkur að láta það ganga.

Svo ætla Íranfarar frá því í september að hittast á þriðjudagskvöldið kl. 18 og allir með myndir og hlakka til vænti ég.

Arabískukennslan hjá Mími byrjar á miðvikudagskvöldið og þar er orðið fullskipað sýnist mér. Það verður skemmtilegt.

Útrásin gengur takk bærilega

2006-11-16T12:21:00.000Z

VIÐ VIMA konur vorum með kynninguna okkar í Bókakaffi Bjarna Harðarsonar á Selfossi í gærkvöldi og það var skemmtilegt kvöld.
Þetta er notalegt kaffihús sem er óhætt að mæla með.
Við fengum góða aðsókn og fínar undirtektir og menn fylgdust með fyrirlestri og myndadiski af miklum áhuga. Svo var ferðaáætlunum dreift og fréttabréfi. Elísabet Jökulsdóttir las einnig úr ljóðabókinni Englafriður sem varð til upp úr ferð hennar til Líbanons og Sýrlands með johannatravel fyrir tveimur árum.

Fyrsta kynningin var á mánudagskvöldið í Hótel Varmahlíð í Skagafirði. Veðrið var heldur ólánlegt á leiðinni norður en við komumst á leiðarenda af harðfylgi. Á kynningarfundinn komu um 40 manns og urðu líflegar umræður eftir fyrirlesturinn og var góð stemning.Svanhildur hótelstjóri hafði ljúffengan arabískan mat á boðstólum sem gerði lukku.

Við ætlum svo að vera í Borgarnesi n.k. mánudagskvöld, í Landnámssetri kl. 20,30 og hið ágæta blað Skessuhorn mun birta væna frétt um það og svo höfum við komið þessu áleiðis til nemenda á Bifröst. Ég væri þakklát fyrir ef þið létuð þetta berast til þeirra á svæðinu sem þið kannist við.

Þegar þeirri kynningu er lokið ætlum við að láta staðar numið í bili því nú fara allir að sinna jóla-einhverju. En í janúar - upp úr 10. væri ráð að skreppa til Akureyrar, kannski í Dalina og fleiri staðir eru á döfinni og gaman að heyra frá ykkur t.d. einhverjum sem búa úti á landi og hafa áhuga á að aðstoða okkur við þetta.
Mér finnst hafa sýnt sig á þessum tveimur kynningum sem búnar eru að það er mikill áhugi á Miðausturlöndum víðar en í Reykjavík og næstu grennd.

Minni svo Jemenfarana að láta mig vita um hvort þeir komast á þann fund sem ég hef sent þeim skilaboð um. Einnig eru nokkrir Íranfarar (septhópur) sem hafa ekki látið vita hvort þeir mæta á myndakvöldið. Það er hugsanlegt að beðið verði með fund með Kákassus fólki fram yfir áramót.
Verið svo væn að láta snarlega - og þá meina ég SNARLEGA- í ykkur heyra.

Durrað í Skagafjörðinn -

2006-11-13T10:56:00.000Z

Góðan mánudaginn

Við Gulla Pé ætlum að durra norður í Skagafjörð og halda VIMA kynningu í Hótel Varmahlíð í kvöld ef guð og veðrið lofa. Á miðvikudag á Selfossi og næsta mánudagskvöld í Landnámssetrinu í Borgarfirði. Vonumst til að fá fleiri félaga og vekja athygli á starfsseminni, svo sem Jemenverkefni, ferðalögunum og þess háttar.

Þá sendi ég á eftir tilkynningu til Íransfara sl. sept vegna myndakvölds okkar og vona að menn sjái sér fært að mæta.

Mér þætti vænt um þið létuð síðuna trítla til trúðverðugra.

Beðið eftir óveðri

2006-11-10T14:02:00.000Z

Í morgun mátti ég sofa út
hugsaði skríkjandi
kannski vakna ég öðru hverju
og stormurinn og óveður Haraldar
gnauðar á glugganum

kúri mig undir sængina
full tilhlökkunar
bíð eftir að húsið skjálfi
heyri öskutunnurnar fjúka út í buskann
hugsa

eru ekki allir að setja í jólagírinn
á ég að byrja smákökubaksturinn um helgina
fara í Íkea og kaupa eitthvað sem mig vantar ekki
endilega skrifa á jólakortin
þvo gardínurnar
taka til í skápunum
setja nýtt parkett á svefnherbergisgólfið
mála kannski stofuna rétt í leiðinni
skipuleggja jólamatinn
búa til ísinn
eða
tilkynna myndakvöld
undirbúa arabískukennslu
skrifa fyrirlestra
fara yfir kynningar í næstu viku

leit á klukkuna og
beið glaðvakandi eftir hvassviðrinu
hugsaði einbeitt
geri ekkert nema
ég fái þetta lofaða veður

kíkti út
trén bærðust varla
öskutunnur á sínum stað
allt til einskis
við erum veðuraumingjar,
bara hlý nóvembergola úti

fór á fætur
gersamlega buguð af biðinni

sé ekki fram á neitt jólastress
um helgina
létt amstur eins og aðra daga

vonglöð
læt ég þó setja vetrardekk undir bílinn

Leiðrétting á netföngum - dagsetningar á Íran ofl

2006-11-07T12:22:00.000Z

Setti inn nákvæmar dagsetningar á Íran svo þær eru í lagi. Brottför í Kákasus er 30.apr-20.maí. Nánar um það fljótlega

Erindið er aðallega: Kynningar VIMA úti á landi verða vonandi svona fjórar í nóv.
Sú fyrsta í Hótel Varmahlíð í Skagafirði 13.nóv og sú næsta í Bókakaffi á Selfossi 15.nóv. Verið svo góð að láta þessar upplýsingar ganga. Allir þekkja einhverja á þessum svæðum. Við erum að vonast til að komast til Akureyrar, dagsetning ekki frágengin og helst í Borgarnes. Síðan ætlum við að gera hlé þar til um miðjan janúar. Þá er trúlega skikkanlegur tími, jólin búin, visareikningar ekki komnir og lífið svona og svona þó dag lengi.
Öll hjálp er meira en vel þegin.

Í öðru lagi: Sendi út imeil til þeirra sem styðja og studdu fyrsta hópinn í Jemen. Það barst til mín bréf til þeirra stuðningsmanna og mynd. Aftur á móti bið ég ykkur að senda leiðréttingar á addressum og netföngum. Stundum kvarta menn undan því að fá ekki póst en svo kemur í ljós að ég hef ekki rétt netfang. Vinsamlegast athuga að það er dálítið erfitt að senda á rétt netfang ef ég er ekki með það.

Bið Sigríði Halldórsdóttur á Akureyri að staðfesta netfangið sitt, ég fæ alltaf það fyrra til baka. Sömuleiðis Sigurlaugu M. Jónasd. sem hefur trúlega breytt um netfang.

Ég vil benda áhugasömum um Íranferðina á að eftir 25.nóv. get ég alls ekki bætt við vegna skilyrða sem flugfélagið setur. Þá verð ég að senda nafnalista út og ef einhver bætist við eftir það kemur aukakostnaður

Til stuðningsmanna fullorðnu stúlknanna

2006-11-02T22:43:00.000Z

Kærlingarnir mínir.
Þetta bréf frá Nouriu Nagi barst í kvöld og ég er ekkert að þýða það. Ásamt tveimur myndum.
Vil taka fram nokkur atriði til viðbótar: Pósta á morgun myndir og plagg um börnin til allra nýrra í hópnum sem bættist við í haust. Það gefst ekki tími til að halda foreldrafund en alltaf má hafa samband ef einhverjar spurningar eru.

Það er athyglisvert að eldri stelpurnar(15-17 ára) senda myndir af sér án andlitsblæju. Þetta er yfirleitt óhugsandi í Jemen og Nouria hefur sjálfsagt þurft að beita fortölum til að þær fengjust til þess.

Vil einnig árétta að ég hef ekki fengið svör frá öllum ferðalöngum, en menn hafa margir verið snöggir að greiða og ég þakka kærlega fyrir og bið þá sem ekki hafa lokið því að gera það hið allra allra allra fyrsta. Því annars erum við í erfiðum málum vegna miða og pantana á hótel.

Ítreka að nokkur pláss til Írans og Kákasus eru laus - en einkum vegna þess að ég hef ekki fengið svör og nenni ekki að bíða eftir þeim endalaust. Þá meina ég frá fólki sem hafði tilkynnt vel og rækilega að það vildi fara í þessar ferðir á þessum tíma. Skrifaði nokkur ábendingarbréf í kvöld og vona að menn svari þeim nú.
Það gengur bara ekki að koma manni í þessi vandræði gagnvart okkar mönnum þarna úti.

Set nákvæmar dagsetningar á Íranferð inn á linkinn þar fljótlega og Kákasus sömuleiðis. Gjöra svo vel og fylgjast með því.

Fundir um allar ferðirnar þrjár verða síðar í þessum mánuði og Íranfarar þurfa að vera með passamyndir og bera slæðu á þeim. Ekki er nauðsynlegt að hylja hár nema að hluta á þessum myndum.
Nánar um það síðar.
Unditektir varðandi fundi úti á landi eru góðar en ég vildi gjarnan heyra frá fleirum, þið hljótið að þekkja einhverja áhugasama sem mundi ljá okkur lið.
Hér kemur svo bréfið frá Nouriu og myndirnar af nokkrum kvennanna á fullorðinsfræðslunámskeiði. Ath. að hún biður um að menn sendi EKKI peninga fyrr en vitað er hverjar ætla að halda áfram eftir jólin.
To all the sponsor’s of the sewing project
We would like to thank you for sponsoring the sewing project at YERO Centre which has started this year, February 2006 and will finishes at the beginning of February 2007. I would like to inform you that we have stopped for a break during the month of Ramadan, and we will restart the project again this week at the same time 3-30 till 5- 30 twice a week and we are going to include with the sewing, Embroidery and making of bags, we already have six sewing machines and we will only take women who has attended the whole time, there for please do not send any money for sponsoring this project for next year until we see who is keen to learn and attend and wants to make a living from this useful project. this year, thanks to all of you we have done all the children school uniform at the Centre by only two good students and their Yemeni teacher, and for the boys we had to get a man tailoring to do their uniforms, that’s way we are going this week to start with small things like bags and other things that can be sold when we have a bazaar, or if there are visitors who might be interested in baying nice things done by our girls and women, so the women can have a little income

Kind Regards,
Ms. Nouria A. Nagi
Director

Enn vantar nokkrar myndir af Jemenbörnum - heimasíða YERO og almenn hvatningarorð

2006-10-31T01:05:00.000Z

Sæl öll

Við Gulla Pé gjaldkeri erum að útbúa kynningarefni til að fara með út á land hið skjótasta og Gulla slær mig alveg kalda þegar kemur að tölvukúnstum. Vonandi verður það tilbúið fljótlega svo við getum drifið í málunum.

Nouria sendi mér póst í kvöld, þar hafa línumál verið í ólestri og ekki nýtt fyrirbæri og þess vegna hefur orðið dráttur á að fólk fengi myndir og upplýsingar um krakkana sína. Núna vantar þó ekki nema fjögur börn og þá efnum við til foreldrafundar.
Ef einhverjir foreldrar úr fyrri hópunum, þ.e stuðningsfólk krakkanna fyrstu svo og þeir sem taka þátt í að hjálpa stúlkunum í fullorðinsfræðslu vilja koma á fundinn eru þeir margvelkomnir og ættuð þið að hafa samband. Munið svo reikningsnúmer Fatimusjóðsins 1151 15 551212 kt. 1402403979 ef þið viljið leggja málinu lið. Hver upphæð skiptir máli.

Vil benda á að með því að fara inn á www.ilari.net
má fræðast nánar um starfið hjá YERO.

Það er gaman að segja frá því að þetta Jemenverkefni okkar hefur töluvert spurst út og þrjú bréf komu í dag þar sem fólk sýnir áhuga á að fá meira að heyra og kannski einhverjir stuðningsmenn komi út úr því. Ef guð lofar.

Nokkur vandræði hafa verið hjá YERO varðandi sjálfboðavinnuna og því sendi ég á morgun úr Fatimusjóðnum upphæð sem svarar til helmings kennaralauna og helmingur var sendur samtímis því sem var borgað fyrir krakkana. Vona það hjálpi þeim eitthvað.

Beini þeim eindregnu hvatingarorðum til fólks að láta síðuna ganga. Eins og getið var um í síðasta pistli hafa orðið breytingar á þátttökulistum og því geta menn enn komist í Íranferðina í lok febrúar og Kákasus í maíbyrjun. Verið svo væn að senda síðuna áfram með nokkrum uppörvunarorðum.

2003-08-26T18:50:00.000Z

Kynningar úti á landi? Myndir frá Libyu ofl

2006-10-26T11:54:00.000Z

Góðan daginn öll

Eins og hann Ísleifur, afi minn á Krók, orti: Við skulum aka upp í sveit/ í einum gír

höfum við VIMA stjórnarkonur ákveðið að efna til kynningarfunda um VIMA, Jemenverkefnið og ferðaklúbbinn okkar á næstunni. Við erum sannfærðar um að víðar en á höfuðborgarsvæðinu leynast vinir og velunnarar Miðausturlanda og okkur langar að hitta þá.

Það væri mikils virði ef VIMA félagar vítt og breitt um landið veittu okkur stuðning með hugmyndum þar að lútandi, t.d. útvegun húsnæðis og tækju þátt í að koma auglýsingum á framfæri. Vilja ekki einhverjir gefa sig fram snarlega?????

Þá er ætlunin að hafa smátölu um félagið og tilgang þess, láta tölvur rúlla með diskum frá stöðunum sem við höfum heimsótt og segja einnig frá því hvernig okkur hefur orðið ágengt í Jemenmálinu.

Bendi á að þar sem við erum EKKI ferðaskrifstofa verður að gera þetta á skynsamlegan hátt en skemmtilegan auðvitað.

Seinna í dag ætlar aðstoðartæknistjórinn Vera Illugadóttir að setja inn nokkrar myndir sem ferðaskrifstofan í Lýbíu hefur sent og kannski fleiri, til dæmis Íran og sjáum til með Kákasus.

Vegna breytinga á þátttökulistum geta nokkrir bæst við í ferðir.

Ég er ennn höggdofa af undrun yfir því að fólk svarar ekki pósti. Það gæti leitt til þess að við yrðum að breyta reglum okkar og óska eftir að fólk borgi staðfestingargjald strax við skráningu. Hef sent öllum imeil eins og ég nefndi í síðasta pistli en dugar ekki til og veldur það vonbrigðum.

En það er fullt af fólki sem er áhugasamt og frá því vonast ég til að heyra og þakka þeim sem hafa skrifað mér hin kátustu og áhugasömustu bréf.

Endurtek enn og aftur að það þýðir ekki að hætta við " en ætla örugglega síðar." Hef áður sagt að MJÖG fáar ferðir eru á dagskrá 2008.

Látið heyra í ykkur og vísa m.a í upphaf þessa pistils.

Íransfarar í sept. fá email seinna í dag um dagsetningu myndakvölds og fundur með Jemen/Jórdaníuförum um páskana eins fljótt og verða má.

Jemen"foreldrar" fá plögg á næstunni - ath. Íransþætti Ragnheiðar Gyðu

2006-10-20T18:14:00.000Z

Þá hefur sálin að mestu náð sér en ýmislegt er nauðsynlegt að kynna hér og nú:

Meðan ég var í burtu sendi Nouria Nagi upplýsingar og myndir af nýju krökkunum okkar sem við styðjum í Jemen. Þetta prentaði ég út í dag. Hins vegar vantar enn nokkra krakka svo ég sendi ykkur þessi plögg þegar upplýsingar hafa allar skilað sér.

Nouria er nú upptekin við að kaupa föt (frá okkur) því föstumánuði múslima, ramadan lýkur senn og þá verða allir krakkar að fá nýjar flíkur. Svo þetta mun koma til ykkar á næstunni.
Getur kannski verið gaman að halda fund því nýir foreldrar-styrktarmenn- hafa bæst við og mig langar að útskýra fyrir þeim þessi Jemenmál og hvernig að þeim er staðið af okkar hálfu.

BENDI ENNFREMUR Á AÐ EFTIR AÐ 'EG FÉKK ÞARFA ÁBENDINGU FRÁ GÓÐUM VIMAFÉLAGA HEF ÉG UPPFÆRT AÐ NOKKRU UPPLÝSINGARNAR UM BÖRNIN OKKAR Í JEMEN.
Gott væri að fá fleiri ábendingar því þær færa mér heim sanninn um að fólk fylgist virkilega með.

Nokkur vonbrigði óneitanlega að engin samtök skuli hafa gefið sig fram til að styðja málið en ég treysti á velvild og hjálp félaga og að þeir kynni þetta dyggilega.

Einnig hefur slatti af frjálsum framlögum borist inn á Fatimusjóðinn og munu þau án efa koma að góðum notum og fara inn á saumavélasjóðinn en það skýrist í desember n.k. hversu margar við borgum fyrir stúlkurnar á fullorðinsfræðslunámskeiðinu.

Vil einnig geta þess að Íranfarinn í september, Ragnheiður Gyða Jónsdóttir, undirbýr af kappi þætti um ferðina og sögu Írans, nútíðar og fortíðar.Þeir verða fluttir í RUV og ég læt vita um hvenær þeir verða á dagskrá.

Þá er ástæða til að hvetja alla, ekki bara Íransfara í ár, til að leggja við hlustir, enda RGJ mikil snillingur að miðla efni til okkar á aðgengilegan og fróðlegan máta.
Fylgist því vel með síðunni varðandi það. Og ekki síður hvenær myndakvöld um Íran verður. Finnst tilvalið að fyrri Íransmenn mæti og líka þeir sem eru að pæla í Íran í næstu ferðum.

Skrifaði inn á ábendingardálkinn að ég er ekkert minna en þrumugáttuð yfir því hvað treglega gengur að fá menn til að svara pósti, að ég nú ekki tali um staðfestingjargjöld.

Þeim skal þakkað innvirðulega sem hafa gert skil en það vefst fyrir mér að sætta mig við hversu margir láta ALLS ekki í sér heyra.

Það dugar mér hvergi að menn lýsi yfir áhuga og að þeir ætli sko örugglega með í ferð ef þeir "gleyma" síðan að sýna þá eðlilegu kurteisi að gera grein fyrir sínum málum.
Um þúsund manns hafa kannað Íranferðina, hvar eru þeir með hreinskilnu leyfi. Allavega vantar mk sjö svo verð haldið óbreytt.

Bendi á Jemen/Jórdaníu: þar hafði ég þessi ósköp fyrir að útvega nægilega marga flugmiða og svo hætta einhverjir við án þess svo mikið að hafa samband.
Sem mamma mín blessuð og sálug hefði kallað dónaskap -enda var hún fædd í Jómfrúrmerkinu.

Ekki ósvipað á við um Íran- sem er kannski stórkostlegast þessara áfangastaða okkar- og held að pólitíkusar hefðu ekki síst gagn að því að kynnast. Þar ansa menn ekki pósti hvað þá heldur meira.

Hvað Kákasuslöndin varðar hef ég ákveðið að við reynum að fá leyfi til að fara til Ngorno Karabach frá Armeníu. Það skilst mér að sé makalaust spennandi.

Allt virtist líta ´vel út með þátttöku og verð er miðað við 24 og ALLT innifalið, visa til landanna, tips til bílstjóra og leiðsögumanna og hver skoðunarferð og allar máltíðir.Verðið sem er gefið upp er miðað við 24 gesti og tólf-endurtek tólf- hafa gert grein fyrir sér.

Þetta nær ekki nokkurri einustu átt.

Hef sent imeil til þeirra sem höfðu áhuga á Egyptalandi. Bent þeim á aðra kostiog ekki síðri. Ekki orð þaðan. Nú verða menn vissulega að velja en það er lágmark að búast við að fólk gefi svör. Eða hvað finnst ykkur. Ég bara spyr. Og svörin láta á sér standa.

Drafnarstígsíbúinn er kominn heim

2006-10-19T17:08:00.000Z

Sæl öll
Nýkomin heim frá Kaupmannahöfn, um Vínarborg og þar áður Baku í Azerbadjan. Þetta er fín flugleið og held að við notum hana í ferðinni/ferðunum. Austrian Airlines er ágætis flugfélag og sæmilegt verð á þeim miða.

Dagarnir mínir síðustu í Azerbadjan voru svo setnir að ég komst ekki til að skrifa neina speki inn á síðuna.

Ég er mjög hugsi eftir þessa ferð og býst við að taka mér smátíma til að melta hana.
Þessi lönd eru eldgömul menningarsvæði með fortíð, nútíð og framtíð sem má ekki á milli sjá hver er mest spennandi. Alls konar geðklofi í gangi í afstöðunni til Sovétríkjanna sem öll tilheyrðu þar til þau hrundu, sællar minningar,sagan öll, landslagið, mannlífið, allt er þetta stórt og mikið mál. Og öll fegurðin, maður lifandi! Vinsemdin, töffheitin, blíðan, rómantíkin, þjóðernisástin. Þetta verður mér rannsóknarefni næstu daga og vel það.

Það er ógerlegt að gera upp á milli þessara landa, hvert hefur sitt. Það er öldungis hárrétt. En auðvitað höfðar sumt meira til manns en annað.

Mér leist ekki á Baku í byrjun, fannst hún bara olíuborg með ljótum sovéskum blokkum og full af komplexum. En svo skoðaði ég hana nánar og umhverfi hennar og var hrifin. Virkilega snortin af gamla bænum og merkum minjum þar, hellaristum frá steinöld í grenndinni, gömlum grafhýsum hefðarmanna. Og ekki má gleyma teppahefðinni. Hún er eitt af mörgu sem er spennandi.

Var afar heppin með veður í Baku og dvaldi á hóteli þar sem Jóhannes Páll sálugi 2. staðnæmdist á í heimsókn sinni þangað fyrir um það bil sex árum. Mörgum þótti val páfa á hóteli kyndugt enda mörg miklu glæsilegri en þetta var lítið og heimilislegt og enginn skildi ensku og allt var boðið fram með gleði og ánægju og elskulegar litlar pöddur klifruðu til og frá um matinn og ég drap þær miskunnarlaust og fékk síðan móral eftir á.
Það skal tekið fram að við munum ekki halda til á því ágæta pödduhóteli, heldur kynnti ég mér ýmislegt sem er í boði og er nokkurn veginn komin að niðurstöðu og vona það hækki ekki verð.

Leist vel á ferðaskrifstofumennina okkar
Auðvitað var meginn partur af prógrammed að hitta ferðaskrifstofumenn, skoða hótel og kanna matarvenjur og hvað er í boði. Er skemmst frá því að segja að ég held að við höfum verið heppin og þetta virtust gæðamenn sem snerust í kringum mig, alsælir við þá tilhugsun að fá Íslendinga enda hafa þeir ekki látið mikið fyrir sér fara þarna né aðrir Skandinavar.
Ýmslegt praktískt þarf að gera með góðum fyrirvara svo sem vegabréfsáritanir og fleira en það leysist áreiðanlega allt með besta móti.

Hef ekki kannað póstinn minn en ætla rétt að vona að nú séu flestir búnir að borga sitt staðfestingargjald og bæði Íranfarar í febr. lok og Jemenfarar í marslok mega ekki láta dragast að greiða á réttum tíma. Ekki vegna þess að allt sé fullt af ferðamönnum, heldur sakir þess að hótelpláss er svo takmarkað að geti ég ekki sent út fullkomna, eða nær því fullkomna lista fljótlega er spurning hvort menn geti slegist í för á síðustu stundu.

Leyfi mér á minna á námskeið
Námskeiðið um Menningarheim araba verður vonandi nægilega vel sótt svo til þess verði efnt í næstu viku. Bið ykkur endilega að hafa samband við Mími símennt þar að lútandi.

Ekki má svo gleyma því að myndakvöld Íranfara sl. sept. er á döfinni og læt vita um það strax eftir helgina.

Og af því ég er vatnsberi og þar af leiðandi hreinskilin fannst mér leiðinlegt að fá ekki fleiri komment meðan ég var í ferðinni. En viðurkenni líka að mig hefði langað til að skrifa oftar og ítarlegar.
Heyrumst krakkar mínir.

Maett i Baku i Azerbadjan

2006-10-16T14:31:00.000Z

Goda kvoldid godir halsar

Kom i eftirmiddaginn hingad til Baku eftir tveggja daga veru i undadslegu thorpi sem kurir vid fjollin, thad heitir Sheky og thar var eg a einu finasta hoteli sem eg hef verid a. Gleymdi naestum fegurdinni i umhverfinu fyrir kaeti yfir tvi. Thetta var i vagnlestastod sem hefur verid gerd upp af stakri snilld. Sjonvarpid var ekki i lagi og rafmagndid for af tvivegis en herbergin eru algerar krusidullur.

Rett hja Sheky er thorpid Kish en thar er norski Thor Heyerdahl hatt skrifadur enda taldi hann sig faera sonnur a ad asar hefdu komid fra Azerbadjan og altjent er thetta skemmtileg kenning.

Svo skodadi eg undurskemmtilega og haefilega stora holl i Sheky, thokkalegt tjodhattasafn og bordadi i gaerkvoldi a veitingahusinu Gagarin. Tha var rafmagnslaust i baenum en thad vill brenna nokkud vid i thessu landi, amk i thorpunum, veit ekki hvort thad er eins i Baku.

Leidin fra Sheky og hingad erfjolskrudug, fjalladyrd og sidan nakin fjallafegurd. Alls stadar notalegt vidmot.

Eg hef gert mig seka um thad sem madur a ekki ad gera - amk segir sa maeti VIMAfelagi Gudmundur Petursson thad - ad bera saman thessi lond. Thau eru sovo misjafnlega vel a vegi stodd eftir sovettimann ad thetta gerist osjalfratt.

Vil rett i leidinni benda a - tho eg hafi raunar engar frettir sed og engin blod- ad thad var allt i kyrrd og spekt i Georgiu eins og alls stadar annars stadar her.

Verd i Baju naestu 2 daga og kem svo heim a fimmtudaginn.

Leit adan inn a reikning og fannst litil vidbrogd hafa ordid vid hvatningaordum minum. Doltid leid yfir tvi. Folk VERDUR ad lata vita ef thad dregst eitthvad med greidslur. Munid thad kaerurnar minar.
Kvedjur fra Azerbadjan

A leid ut i graena eydimork og sidan Telavi

2006-10-13T06:08:00.000Z

Hae krakkar minir komidi sael

Kom adeins aftur til Tbilisi i gaerkvoldi en er nu a forum i austuratt og tel ekki frekar upp nofn fyrr en eg veit meira i hausinn a mer.Thad er hellirigning en notalegt vedur.

Mikid fannst mer Gori skritin og sorgbitin borg. Thad var lika merkilegt ad finna thar og raunar annars stadar ad Stalin er i meiri metum en madur hefdi i fljotu bragdi haldid.

Thegar farid var i hellaborgina - sem er eiginlega alveg rugladur stadur og storkostlegur- tha hitti eg thar stadarleidsogumann sem hoppadi eins og fjallageit um thessa kletta og hlakkar mjog ad hitti Islendinga. Hann heitir Stalber og var skridur i hofudid a Stalin og Beria, theim thokkapilti sem var lika Georgiumadur.
Hann var upp med ser af tvi. Godu likamsstandi thakkadi Stalber tvi ad hann hefdi haett ad reykja en drykki thess i stad eina flosku -minnst- af raudvini a dag. Gaf mer ad smakka og tho eg se ekki raudvinskona ad neinu gagni, fannst mer thetta ljomandi gott.

Um kvoldid thad komum vid i thrumum og eldingum til Kutaisi og thar var gist i heimagistingu. Fruin fagnadi okkur afar hlylega og bar fram gomsaeta retti og thad er raunar hvarvetna, matur er einstaklega ljuffengur her um slodir. Svo horfdi eg a Itali og Georgiumenn leika landsleik i fotbolta og their fyrrnefndu sigrudu natturlega en bara 2-1.
I gaer keyrdum vid svo um vesturhlutann sem er grodri vafinn og allt graent thar upp a tinda og orlar ekki a hauslitum.
Ar og bunulaekir hoppa og skoppa og fegurdin er alls stadar a einn eda annan hatt.

Svo er frodlegt ad skoda leifar sovetsins her, ansi omurlegar sums stadar thar sem yfirgefnar verksmidjur trona og ljotar blokkir. Her i Tbilisi hefur verid reynt ad hressa upp a thessar blokkur med tvi ad mala thaer og thad er strax betra.

Nog i bili. Heyrumst sidar. Bid fyrir kvedjur

A slodum Stalins i augnablikinu eftir nott i efri Kakasus

2006-10-11T08:20:00.001Z

Godan og blessadan

Adeins faein ord tvi thetta er mjog skritid netkaffi og veit ekki hvort tekst ad senda thetta.
Var ad koma til Gori, faedingaarstadar Stalins saluga, her vid radhusid er eina styttan sem enn stendur af theim alraemda naunga, og a eftir aetla eg ad skoda safn sem hefur verid sett upp her um hann. I fljotu bragdi ber Gori aedi morg sovesk einkenni svo sem i husagerd og her eru enn aletranir a russnesku sem sjast varla annars stadar

Var sl. nott i efri Kakasusfjollum, thar heitir Gudauri og gisti thar a litlu sveitaheimili. Haustlitir i efri Kakasus eru svo magnadir ad theim verdur varla lyst ad neinu gagni. Thegar nedar kemur bolar adeins a theim og verdur ugglaust allt logandi eftir 2 vikur eda svo thar lika.
Leidin i gaer la lengst til Kasbegi sem er i hjarta efri Kakasus. Thar blasir vid snaevi thakinn haesti tindur fjallanna thegar klifrad hefur verid upp a eins og eina eda tvaer Esjur. Thar er natturlega kirkja eins og vidar a fjallatoppum og utsyni alveg otrulega storkostlegt.

Fer i vesturatt i dag og skoda hellasafn i Uplistsikhe og gisti i heimahusi i Kutasi.

Thetta er allt hid mesta aevintyri. Tbilisi er spennandi borg sem er ad reyna ad na attum aftur - eins og raunar allt thetta svaedi- og fyrsta daginn var eg adallega a gongu i gamla baejarhlutanum og virti fyrir mer brennisteinsbod, kirkjur og hotel ofl.

Vedur var tha blitt en i fjollunum er tho nokkud svalt og eins gott ad menn hafi med ser baedi hlyrri fatnad og helst goda sko.

Laet thetta duga i bili og bid fyrir kvedjur

A slodum Stalins i augnablikinu eftir nott i efri Kakasus

2006-10-11T08:20:00.000Z

Til fundar við Kákasusgerilinn

2006-10-08T09:25:00.000Z

Góðan daginn

Vona þið fylgist vel og rækilega með pistlum því ég sendi ekki imeil til að tilkynna um þá.

Fer núna á eftir og til Hafnar og svo áfram til Tblisi með smástoppi í Vínarborg. Verð komin síðla kvölds eða í byrjun nætur og held að tímamunur sé fjórar klst.

Ég bið menn lengstra orða að drífa í að greiða staðfestingargjöldin og Jemen/Jórdaníufarar ættu að kynna sér sínar greiðslur. Svo og aðrir. Núna áðan gægðist ég inn á reikninginn og í dag 8.okt.(sem er raunar fæðingardagur Kristjóns, föður míns, hann hefði orðið 98 ára, elsku kallinn) hefur 1/5 af þeim sjötíu sem hafa skráð sig í ferðir vorsins borgað. Eiginlega ansi íslendingslegt en hreint óþægilegt þar sem bókhaldið mitt - þó pottþétt sé í sjálfu sér- er tafsamt þar sem ég hef náttúrlega ekki her manns til að færa inn.

Bendi á að nokkrir hafa ekki svarað mér hvort þeir ætla að koma/koma ekki og það finnst mér alveg ómögulegt. Gjöra svo vel og láta vita. Skilja menn virkilega ekki enn að það þarf langan fyrirvara, annars hleypur verðið upp og ég býst ekki við að menn séu áfjáðir í það.

Nú keyrir Elísabet mig út á völl og best að húrra töskum út í bíl.

Reikna með að skrifa inn á síðuna annað kvöld, mánudag og svo eftir hendinni og tíma.

Bið ykkur hress að una og vona þið látið frá ykkur heyra.